الصيام ومصير خميس

طيب … أنت في غابة او صحرا ساكن في كهف ولا كوخ (وده الطبيعي على فكرة من زمااااان) وجسمك رائع ورشيق وسمباتيك -غصب عنك طبعا لندرة الأكل – بقى لك يومين ما أكلتش وجُعْت .. ما فيش تلاجه ولا نملية ولا خزين ولا كارفور ولا عم السيد البقال ولا فلوس تشتري بيها اي حاجة من اي حد .. تعمل ايه…لازم تطلع تصطاد اكلك بنفسك … اصطدت تاكل ولو ما اصطدتش ما فيش أكل يا معلم… وطلعت تصطاد انت وجارك اللي حيموت من الجوع برضه بس تخين شوية (افتراضا يعني ) طلعتم تصطادوا أي حاجة ترجعوا بيها للعيال في الكوخ … ٣ او ٤ ساعات بتحاولوا وما فيش حظ وبقى لكم يومين ما أكلتوش و جعانين جدا.. لكن ما فيش اكل .. أمر الله ..
و في طريقكم راجعين للكهف من غير صيد طلع لكم أسد وبدأتم تدافعوا عن أنفسكم بضراوة بالحربة اللي معاك انت وخميس جارك ثم بدأتم بالجري وتدفق الادرينالين في دمكما علشان تخشوا في مود الجري السريع اوي ( طيران) .. يا قاتل يا مقتول fight or flight…
مين اللي حيطاده الاسد !! فكر شوية .. طبعا الاتقل الا وهو خميس للأسف .. وحتربي انت عياله… وعلشان كده ما كانش فيه وزن زايد ايامها اصلا … زماااان… لندرة الطعام وصعوبة الحصول عليه وبذل مجهود جبار (آلاف السعرات تحرق) للحصول عليه ان لاحت فرصة صيد ما.. وعند الحصول عليه تنتظر الوجبة الجاية كمان ٤ او ٥ ايام لو حظك تمام .. طب وتعمل ايه الايام دي اللي لا أكل فيها ..ولا حاجة .. تصوم … صيام اجباري الا من شوية ماء… خضرة … توت بري… عصفورة تصادها.. تعبان … ورقة كرنب .. ورقة شجرة…كده يعني ..
ولما تلاقي اكل يبقى عيد ولما ما فيش اكل .. صيام… وتبقي حياتك الطبيعية بين عيد وصيام دوما fast and feast.
كل ما تلاقي اكل تاكل وتخزن شوية دهون حول وسطك تستخدمهم اليومين اللي بعدهم اللي انت صايم فيهم اجباري thrifty grnes لان حرق دهون كرش حضرتك وحضرتي بيحصل بعد اكتر من ١٦ ساعة صايم nutrional ketosis .. مش المصيبة الي احنا فيها اكل بالهبل ونصائح خبرااااء تغذية تودي في داهية مع خميس الله يرحمه…اديله ٣ وجبات وسناكات ونصايح خايبة لا اساس لها من الصحة..ولا مجال لترك جسمك يحرق الدهون المتراكمة واللي بيخزنها لاستخدامها وقت الحاجة اللي ما بيجيش ابدا…لاستمرار اكلك على مدار اليوم والليلة …
لو عايز ما تمرضش ما تاكلش الا قليلا… صُم …افتكر المنظر اللي فوق وتجنب الاكل شوية لأنك مش لاقيه .. فضي تلاجتك شوية وخاصم كارفور ….ابدأ بوجبة واحدة يوميا واشرب عادي طول اليوم .. خلي جسمك يبدا في تنظيف نفسه autophagy and apoptosis وهي عمليات تنظيف داخلية للجسم وخلاياه لا تحدث الا بعد ٣٦ ساعة صيام …
بالصيام الطويل تقتل خلاياك اللي ممكن تبقى سرطانية ….
لما تجوع .. مش مشكله … جع…. ونظف جسمك …
وكل ابجديات ادياننا بتقولك ما تاكلش .. احاديث شريفة مثل …نحن قوم لا ناكل حتى نجوع واذا اكلنا لا نشبع….
ما ملأ ابن آدم وعاء شرا من بطنه. الى آخر الحديث..
المعدة بيت الداء .. الخ
خير الصيام صيام اخي داوود كان يفطر يوما ويصوم يوما…..
صوموا تصحوا
….بسم الله الرحمن الرحيم ” كلوا واشربوا ولا تسرفوا”
أظن ما فيش اوضح من كده
الخلاصة .. الصحة في الجوع وليست في الاكل
جع قليلا وارتق بصحتك وابعد عن المرض…
على فكرة انا صمت ثلاث مرات الاسبوع الماضي مع شرب ماء وسوائل فقط مضاف لها ملح طعام طبيعي وليس مكرر وبوتاسيوم وطبق شوربة احيانا … صمت مرة ٢٤ س ثم وجبة ومرة ٣٦ ثم وجبة قم مرة ٤٨ س ثم وجبة وعادي جدا لا مشكلة واحساس رائع وذهن صافي وتجربة رائعة
نظف جسمك وصم قليلا وسيطر على كرشك قبل ما يسيطر هو عليك وعلى صحتك
أنت في الغابة.. لا تنس ولكي تعيش بجب ان تكون رشيقا… خد بالك على نفسك والا ستلقى مصير خميس !!

5 أفكار على ”الصيام ومصير خميس

  1. Mohamed Atef

    كلام رائع
    و لكن انا سبق و قريت عن هرمون اسمة اللبتين ، وعلى حسب ما قريت انه مسئول عن الشبع و بيقل عند الجوع و بيقل معاه معدل الحرق و بيتسبب في زيادة الوزن لان من خلال تحويل السكر في الدم الى دهون

    إعجاب

    1. Afifi

      تمام انا كتبت كلام كتير عن اللبتين في كتابي واللبتسن تتحسن جدا حساسيته مع الصيام

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s